Nacheru erholsamu Nacht z’Giswil
heiwer hittu iischi zweiti Etappa unner d’Fiess gno.
Zersch hets es chleis z’Morgu bim Toni gigä und dernah heiwer de gat scho d’erschtusch greber stiigig va iischer Heimreis in Agriff gno: Attacke uf du Brünig. Während summi scho iiresch Ambitione ver du erschtisch Bärgpriis hochghandlut hend, hend anneri ehner Mieh kä d’Strapatze vaner erscht Etappa z’verarbeite. Verhertuti Muskle, erschti Blatre und no immer falschs Schüehmaterial…di Grind ver di Blessure sind wiit gstreut.
Nach nit allzulanger Ziit heiwer de d’erschti Stiigig hinner iisch kä und nisch vor dum Lungerusee ver es Gruppufoto formiert. Da ischnisch de öi zicho, dasmu appa no sellti der Aperostock wieder üffillu. Das heiwer de zer Freid vam Dorflade z’Lungern öi gmacht.
Zersch hets es chleis z’Morgu bim Toni gigä und dernah heiwer de gat scho d’erschtusch greber stiigig va iischer Heimreis in Agriff gno: Attacke uf du Brünig. Während summi scho iiresch Ambitione ver du erschtisch Bärgpriis hochghandlut hend, hend anneri ehner Mieh kä d’Strapatze vaner erscht Etappa z’verarbeite. Verhertuti Muskle, erschti Blatre und no immer falschs Schüehmaterial…di Grind ver di Blessure sind wiit gstreut.
Nach nit allzulanger Ziit heiwer de d’erschti Stiigig hinner iisch kä und nisch vor dum Lungerusee ver es Gruppufoto formiert. Da ischnisch de öi zicho, dasmu appa no sellti der Aperostock wieder üffillu. Das heiwer de zer Freid vam Dorflade z’Lungern öi gmacht.
Voller Motivation hetnisch iische Haslitaler Fiehrer, der Reto, in Richtig Meiringe glootsut. Är isch de öi der gsi, wa der hert umkäpfti Bärgpriis imu Sprint het chennu ver schich entscheide.
Zer Mittagsverpflegig gits eigentli nummu folgendes z’säge: Vill, verdammt fein, und uhefli gmietli. Verantwortlich derfiir isch d’Famili vam Reto gsi, wanisch e Hammer Grillade organisiert het. An diischer Stell nomal Merci Villmal!!!
Eigentli wäri de dernah geplant gsi, innerhalb va 2h durch d’Aareschlucht va Meiringe uf Innertkirche z’löifu. Der Plan isch de vam Schönheitswahn va zwei Gefährte durchchriizt worde: En Coiffeurbsüech het no miessu driligge. Mit neuer Frisüür ver di zwei Görls, heiwer de mit eppis Verspätig d’Aareschlucht in Agriff gno. Es Impossants Naturschauspiel, wanisch definitiv alli rächt fasziniert het.
Mittlerwiile siwer iner Gruppuunnerkunft acho und der Hunger mitmu 4-Gänger chennu stille. Jetzt geits drum, d’nöi entstandnu Blatre z’bhandle und mit Perskindol dum Muskelkater entgäguzwirke, ver daswer de moru di Königsetappa uf di Grimsla chenne startu!
Statistik
Gluffni Schritta:
29‘685 (Total 39‘653)
Tagestipp vam Steffi:
1. Definition vame Pass: En richtige Pass het kei Beim!!
Held vam Tag:
Der Reto, ver z’organisiere vam Coiffeur und ver das Hammer Mittagässe! Geil bisch bis Meiringe mitcho!
Anzahl Blattre:
3 va hitte plus di 4 was geschter scho gigäh het
Anzahl Tüütera:
20 Auto (daderfa 1 Bagger)
2 Velo
6 Camion / Bussa
Total: vellig es paar Tüütera
29‘685 (Total 39‘653)
Tagestipp vam Steffi:
1. Definition vame Pass: En richtige Pass het kei Beim!!
Held vam Tag:
Der Reto, ver z’organisiere vam Coiffeur und ver das Hammer Mittagässe! Geil bisch bis Meiringe mitcho!
Anzahl Blattre:
3 va hitte plus di 4 was geschter scho gigäh het
Anzahl Tüütera:
20 Auto (daderfa 1 Bagger)
2 Velo
6 Camion / Bussa
Total: vellig es paar Tüütera
Keine Kommentare:
Kommentar veröffentlichen