Äs geit nimme lang und iischi lang ersehnti Heimreis inz Wallis startet.
D'Letschtu Vorbereitige sind in vollum Gang: Apa hie no es Zahnbirschtji chöifu, da no der Stäcku ver z'Grilliere zwägschnitzu, no gat gschwind d'nöiu Wanderschüeh ga ilöife...äs git scho no d'eint oder anner Büwstell.
Definitiv starte tie wier de am 13. Juli 2014 am 10:00 ufem Bahnhofsplatz z'Luzäru. Ver daswernisch de nit scho ufe erschte Kilometer verheitze, nämewer zer Sicherheit de gat afa mal z'Schiff bis uf Alpnachstad.
Ver das ier jederziit uber iischers Wohlbefindu, Blatre und suschtigi Gebräche informierti sid, empfähle wier ew, immer mal wieder hie ufem Blog verbii z'lüege.
Wier gfrewe isch uf en unvergässlichi Heimreis und mäldenisch wieder
Gluffni Kilometer: 0
Nervositätsblatre: 5
Held vam Tag: Der Petrus, hie schiffets wieder mal so richtig Grüezi-like
Keine Kommentare:
Kommentar veröffentlichen