Hittu isch e bsundre Momänt
va iischer Heimreis gsi. D’erschtusch Etappa durch z’Wallis.
Daderzüe siwer hitte morge ufer Grimsla gstartet. Wäge dem streng üfstiig va
gester, heiwernisch de öi e Stund meh Schlaf gegönnt. Züdem hetmu der Wolf no
am Vorabu versüecht mit Bepanten z‘verschüüche, was anschiinend öi ganz güet
glunge isch. Äs sind de Theorie gschwungu worde va wäge: Ja we Bepanten der
Wolf so güet vertriibt, warum schmirewer de nit iischi Schaf dermit i?
Der Motivation va gwisse Wanderer hetmu de die Erholig gat vellig agmerkt. Mu hätti fasch chenne meine, schi derfe namu strenge Winter zerschtmal wieder üs uf d’Matta. Demnah hoch isch de öi z’Starttempo gsi.
Der Motivation va gwisse Wanderer hetmu de die Erholig gat vellig agmerkt. Mu hätti fasch chenne meine, schi derfe namu strenge Winter zerschtmal wieder üs uf d’Matta. Demnah hoch isch de öi z’Starttempo gsi.
Der Motivationsschub und die im Vergliich zum Vortag hoche Temperature hend schich de folgendermassu uf du Abstieg vaner Grimsla üsgwirkt: Der Durscht und z’Verlangu nach Apéros isch signifikant gstige.
Nach 800 Höhemeter siwer de z’Obergestle acho. Va da a het de definitiv der gmietlich Teil vam Tag agfange. Lägend uber is in Richtig Minschter gangu. Der greschti Chrampf heiwer de im Kampf gägu d’Sunna kä. Zum grossu Glick hetnisch de im Waldji bi Üelriche d’Famili Lagger mitmu feinu Apéro üfgwartet. Merci villmal an ew!!
Am Mittag heiwer de z’Minschter
ufem Flugplatz gibrätlut. Mama und Fröindin vam Claudio hend ver alles gsorgt
wa netig isch gsi, ver iisch en flotti Mittagspause z’ermegliche.
Im Aschluss het de der „Schlussspurt“
uf Reckinge agfange. Öi hie hetnisch d’Sunna gezeigt, uf was daswernisch apa de
d’negschtu Täg miesse gfasst mache. Ver dene Strapatze es biz entgäguzwirke
heiwer de der Tag im Schwimmbad z’Reckinge la üsklinge.
Die Beherbergig hittu
verdanke wier, wie scho z’Mittagässe, der Famili Imbode. Driierlei Üflöif,
Salat und es gheerigs Snackbuffet zum Start hend kei Wiinsch offuglah! Merci
villmal Monika und Isabel!!
More geits de via Bellwald uf
Fiesch. Am Abu wartet de eis va de Highlights va der Heimreis: Der Bsüech vaner
Comedynight am Openair z’Lax. Wer also no Ziit het, soll doch öi verbiicho und
mit iisch zämu uf iischi Heimreis astosse!
Statistik
Gluffni Schritta:
16‘048 (Total 79‘123)
Tagestipp vam Steffi:
Der wa d’vollu Bierfläsche vaner Grimsla bis uf Obergeslte treit, isch sälbscht der Trottel!
Held vam Tag:
Der Camil: Är het ganz Kompetänt de Französischsprächundu Passante iischi Traditione biigebrungu. Chapeau! ;-)
Anzahl Blattre:
1 va hitte plus di 10 was geschter scho gigäh het
Anzahl Tüütera (hitte biz weniger, willwer dum Schattu nah si):
7 Auto
0 Velo
4 Camion
1 Postautohymne
16‘048 (Total 79‘123)
Tagestipp vam Steffi:
Der wa d’vollu Bierfläsche vaner Grimsla bis uf Obergeslte treit, isch sälbscht der Trottel!
Held vam Tag:
Der Camil: Är het ganz Kompetänt de Französischsprächundu Passante iischi Traditione biigebrungu. Chapeau! ;-)
Anzahl Blattre:
1 va hitte plus di 10 was geschter scho gigäh het
Anzahl Tüütera (hitte biz weniger, willwer dum Schattu nah si):
7 Auto
0 Velo
4 Camion
1 Postautohymne
Keine Kommentare:
Kommentar veröffentlichen