Der Sonne entlang!

Di zweitletschti Etappa het isch hittu va Fiesch uf Bitsch gfiehrt.
Der Start inu Tag ischnisch dank ema groszügigu zmorge rächt liecht gfalle. Und das trotz dem lenge Openairabu z‘Lax mit aschliessendem üssklingu z’Fiesch.

Dank dum OK vam Openair Lax heiwer en hammer und toporganisierte Abu mit super Unnerhaltig derfu Erläbe. Merci allne Mitwirkende!

D’Etappa het de va Fiesch uber du Wase uf Grängelsch gfiehrt. Der erschti Astiig hetnisch de dermassu beasprucht, daswer obena zersch mal es Apéro vam Getti vam Märki gebrücht hei. An discher Stell Merci Villmal anu Beat!

Der Wäg uf Grängelsch isch de zimli der Sunna üsgsetzt gsi. Der Wächsel vane ener teife Temperature va letscht Wucha zer Hitz va hitte isch nit Spurlos an iisch verbii gangu. Zimli üsgschwitzt siwer de biner Hannelore im Restaurant Bättlihore acho. Dank iirusch Hammer Menue siwer de am Namittag wieder bereit gsi ver uber Bister uf Merel z’löife. Ver nit z’uberhitzu hetnisch d’Julier Seline en Verpflegigsmeglichkeit z’Bister organisiert. Merci Villmal Seline!

Va Bister ebrii sind de wieder d’Sunna und d’Ermiedig vane Glänk stetigi Begleiter gsi. Sehr uberraschend hetnisch Igangs Merel der Berchtold Vali es spontans Apéro mit herrlich chalte Bier am Strassurand organisiert.Mervi Villmal öi dier Vali! 

Bevor dass de uf du Schlussspurt in Richtig Bitsch gange isch, heiwer z’Merel no en Zweite Verpflegigsstopp igleit. Biner Mama vam Yannick, alias Mama Dolores, hets es feins Apéro mit Fleisch, Chäs, Bier, Wii und allem was susch no brücht, gegä. Merci Villmal Dolores, Jennifer und Werner ver der Hammer Boxustopp.

Gsterchti heiwer de di letschtu Kilometer uf Bitsch in Agriff gno. Dum Sand, und so öi es bitz dum Schattu entlang, isch de der letschti Teil fasch scho wie di Küür gsi. Z’Löifu isch pletzli rächt eifach gfalle, wame de z’Dorfschild va Bitsch (nit) gseh het…wells Grüezi dass ächt das wieder abmontiert heige?!?

Jetzt siwer hie biner Famili Schaller z‘Bitsch acho. Zum Empfang hets vane Kollege vam Schalli es Apéro gegäh! Merci Büebu und Fröie;-)
Und jetzt fröiewerniisch uf es hammer z’Nacht und en gmietliche Abu.

Statistik

Gluffni Schritta:
14'757 (Total 106'406)

Tagestipp vam Steffi:
Än Fläscha Wii hei wier no nie zrug glah!

Held vam Tag:
Z Heldny und zwar will d'Schweschter bim Apero gholfu het.

Anzahl Blattre:
Gnüegg ver das wier noch Heim mäge. (+4)

Anzahl Tüütera:
25 Auto
3 Camion

1 Zug (MGB)